دسہرہ تہوار: تلنگانہ آرٹی سی کی خصوصی بسیں

حیدرآباد: تلنگانہ اسٹیٹ روڈ ٹرانسپورٹ کارپوریشن(ٹی ایس آرٹی سی)دسہرہ تہوار منانے کیلئے تلنگانہ کے مختلف مقامات کے ساتھ ساتھ پڑوسی ریاست آندھراپردیش کے بیشتر مقامات کو جانے والے افراد کی سہولت کے لئے 4,198 خصوصی بسیں چلائے گی۔

اس کے لیے نارمل چارجس وصول کرنے کا فیصلہ کیا گیا ہے۔ رنگاریڈی ریجنل منیجر سریدھر نے کہا کہ حیدرآباد سے ریاست کے مختلف حصوں اور آندھرا پردیش کے ساتھ ساتھ کرناٹک ریاستوں کے لیے خصوصی بسیں چلائی جائیں گی۔ اہم بس اسٹینڈس کے علاوہ شہر کے مختلف علاقوں سے خصوصی بسیں چلائی جائیں گی۔

 سریدھر نے بتایا کہ مسافروں کی سہولت کے لیے اس ماہ کی 24 تاریخ سے 5 ستمبر تک خصوصی بسوں کا انتظام کیا گیا ہے۔ انہوں نے کہا کہ 3,795 خصوصی بسیں ریاست تلنگانہ کے مختلف حصوں، 328 آندھرا پردیش اور 75 کرناٹک کے لیے چلائی جائیں گی۔