چیف جسٹس بنگلہ دیش کا انتباہ
بنگلہ دیش کے نئے چیف جسٹس سید رفعت احمد نے پیر کے دن خبردار کیا کہ عدلیہ میں اگر کوئی کسی بھی قسم کی بے قاعدگی میں ملوث پایا گیا تو اس کے خلاف سخت کارروائی ہوگی۔
![چیف جسٹس بنگلہ دیش کا انتباہ](https://urdu.munsifdaily.com/wp-content/uploads/2024/08/Syed-Rafaat-Ahmed.jpg)
ڈھاکہ: بنگلہ دیش کے نئے چیف جسٹس سید رفعت احمد نے پیر کے دن خبردار کیا کہ عدلیہ میں اگر کوئی کسی بھی قسم کی بے قاعدگی میں ملوث پایا گیا تو اس کے خلاف سخت کارروائی ہوگی۔
اٹارنی جنرل کے دفتر اور سپریم کورٹ بار اپیلٹ ڈویژن کے استقبالیہ میں دورانِ خطاب انہوں نے طلبہ احتجاج میں ہلاک لوگوں کو یاد کیا۔ انہوں نے کہا کہ میں طلبہ اور سارے ملک کو مبارکباد دیتا ہوں۔
میں انہیں بھی مبارکباد دیتا ہوں جنہوں نے اِس تحریک کی مدد کی۔ طلبہ نے نابرابری کے خلاف بڑی بیداری لائی۔ طلبہ اور عوام کے انقلاب کے باعث مجھے یہ ذمہ داری ملی ہے۔ اِس مرحلہ پر ہم ملبہ پر کھڑے ہیں۔
ہمیں نئی شروعات کرنی ہے۔ اخبار ڈیلی اسٹار کے بموجب چیف جسٹس نے خبردار کیا کہ عدلیہ میں کوئی بھی بے قاعدگی برداشت نہیں کی جائے گی۔ جسٹس سید رفعت احمد نے اتوار کے دن بنگلہ دیش کے نئے چیف جسٹس کا عہدہ سنبھالا۔