چیف منسٹر کے سی آر کا دورہ نرمل، بی جے پی لیڈرس زیر حراست

حیدرآباد: تلنگانہ کے وزیراعلی کے چندرشیکھرراو کے دورہ ضلع نرمل کے موقع پرپولیس نے بی جے پی کے لیڈروں اورکارکنوں کو احتیاطی طورپرحراست میں لے لیا۔وزیراعلی کے دورہ کے موقع پر امکانی احتجاج کے پیش نظر ان کو حراست میں لے لیاگیا۔

پولیس نے سابق رکن اسمبلی مہیشورریڈی کو گھر پر نظربند کردیا۔انہوں نے گھر پرنظربندی کی شدید مخالفت کرتے ہوئے کہا کہ ریاست میں انارکی کی صورتحال پائی جاتی ہے۔

انہوں نے زوردیتے ہوئے کہاکہ وزیراعلی کے دورہ کے موقع پر اپوزیشن کے لیڈروں اورکارکنوں کو حراست میں لینا بالکل مناسب نہیں ہے۔

بی جے پی لیڈروں موہن راو پٹیل، رمادیوی،راماراو پٹیل اور دیگر کارکنوں کو پولیس نے حراست میں لے لیا۔پولیس نے بی جے پی کے ضلعی لیڈروں اورکارکنوں کو حراست میں لیتے ہوئے پولیس اسٹیشن منتقل کردیا۔