چیف منسٹر پنجاب‘ ہاسپٹل سے ڈسچارج

چنڈی گڑھ: پنجاب کے وزیر اعلی بھگونت سنگھ مان کو اتوار کو اسپتال سے چھٹی دے دی گئی۔تین دن پہلے مان کو موہالی کے پرائیویٹ اسپتال فورٹس میں ‘روٹین صحت کی جانچ’ کے لیے داخل کرایا گیا تھا۔

اسپتال میں ان کا معائنہ کیا گیا اور بتایا گیا کہ ان کی پھیپھڑے کی رگ میں دباؤ بڑھنے سے ان کے دل پر دباؤ پڑ رہا تھا اور بلڈ پریشر میں اتار چڑھاؤ پیدا ہو رہا تھا۔

ان کے خون کے نمونوں کی بھی جانچ کی گئی تھی اور ہفتے کے روز اسپتال نے کہا تھا کہ مان لیپٹوسپائروسس پازیٹیو آئے ہیں اور انہیں اینٹی بائیوٹکس دی گئی ہیں۔

وزیراعلیٰ کو اتوار کی سہ پہر اسپتال سے ڈسچارج کر دیا گیا۔

عام آدمی پارٹی کی پنجاب یونٹ نے ایکس پر بتایا کہ مان اسپتال سے ڈسچارج ہوتے ہی ’ایکشن موڈ‘ میں آگئے ہیں اور انہوں نے شام 5 بجے وزیر اعلیٰ کی رہائش گاہ پر منڈی سے خریداری کے معاملے پر میٹنگ بلائی ہے۔