مہلوک کسان کی بہن کو 1 کروڑ روپے معاوضہ اور سرکاری نوکری

چندی گڑھ: چیف منسٹر پنجاب بھگونت مان نے اعلان کیا کہ کھنوری بارڈر پوائنٹ پر ہلاک کسان شنبھ کرن سنگھ کی چھوٹی بہن کو ایک کروڑ روپے معاوضہ اور سرکاری نوکری ملے گی۔

پنجاب و ہریانہ سرحد پر چہارشنبہ کے دن جھڑپوں میں بھٹنڈہ کا رہنے والا 21 سالہ کسان ہلاک ہوا تھا اور 12 پولیس والے زخمی ہوئے تھے۔

چیف منسٹر بھگونت مان نے پنجابی میں پوسٹ کیا کہ شبھ کرن سنگھ کی چھوٹی بہن کو حکومت پنجاب ایک کروڑ روپے کی مالی امداد اور سرکاری نوکری دے گی۔ خاطیوں کے خلاف قانونی کارروائی ہوگی۔