چیف منسٹرریونت ریڈی نے نئے سرکاری لوگو کے حتمی ڈیزائن کا جائزہ لیا

حیدرآباد: وزیراعلی تلنگانہ ریونت ریڈی نے تلنگانہ کے نئے سرکاری نشان کے حتمی ڈیزائن کا جائزہ لیا آج صبح اپنی رہائش گاہ پر فنکار ردرا راجیشم، وزیر جوپلی کرشنا راؤ، پروفیسر کودنڈارام، اداکی دیاکر، وزیراعلی کے مشیر ویم نریندر ریڈی اور کئی ارکان اسمبلی کی موجودگی میں وزیراعلی نے نئے سرکاری لوگو کے حتمی ڈیزائن کا معائنہ کیا۔

سرکاری بیان میں کہا گیا کہ یہ نشان ریاست کے حصول کے لیے کی گئی جدوجہد اور قربانیوں کی عکاسی کرتی ہے۔واضح رہے کہ ریاست میں بی آرایس حکومت کی جگہ کانگریس حکومت کی تشکیل کے بعد اس نشان کو تبدیل کیاجارہا ہے۔