پروین کمار کی بی آر ایس میں شمولیت سے چیف منسٹر حیران

حیدرآباد: چیف منسٹر ریونت ریڈی نے کہا اگر بی جے پی قائد ای راجندر ریاست کے مفادات کے تحفظ کے لئے سنجیدہ ہیں تو انہیں چاہیے کہ وہ فون ٹیاپنگ معاملہ پر مرکز سے جواب طلب کریں۔

آج یہاں صحافیوں سے غیر رسمی بات چیت کرتے ہوئے انہوں نے کہا میں آج بھی بی ایس پی قائد آر ایس پروین کمار کا احترام کرتا ہوں میرا احساس ہے کہ اگر پروین نوکری پر ہوتے تو وہ ڈی جی پی ہوتے۔

پروین کمار کو ٹی ایس پی ایس سی کے چیئرمین کے عہدے کی پیشکش کی گئی تھی، لیکن وہ راضی نہیں ہوئے۔

چیف منسٹر نے کہا کہ انھوں نے کبھی نہیں سوچا تھا کہ پروین کمار کے سی آر کی جماعت میں شامل ہوجائنگے۔ انہوں نے کہا اگر وہ کے سی آر کے ساتھ شامل ہوتے ہیں تو عوام کو جواب بھی انہیں ہی دینا ہوگا۔