سوشیل میڈیا

کویت کے صحرا سے اٹھتے گاڑھے سیاہ دھوئیں کے بادل

کویت میں پرانے ٹائروں کے قبرستان کی ایک ویڈیو وائرل ہورہی ہے جس میں گاڑھا سیاہ دھواں اٹھتا دکھائی دے رہا ہے، ویڈیو میں تاحد نگاہ ٹائر ہی ٹائر موجود ہیں جبکہ ایک مقام سے سیاہ دھواں اٹھ رہا ہے۔

کویت سٹی: کویت میں پرانے ٹائروں کے گودام سے اٹھتے سیاہ دھوئیں نے سوشل میڈیا پر بحث چھیڑ دی ہے۔ لوگوں کا کہنا تھا کہ کلائمٹ چینج اور بڑھتی آلودگی کی وجہ سے ماحول دوست اقدامات کی ضرورت ہے، لیکن یہاں ماحول کو مزید نقصان پہنچایا جارہا پے۔

کویت میں پرانے ٹائروں کے قبرستان کی ایک ویڈیو وائرل ہورہی ہے جس میں گاڑھا سیاہ دھواں اٹھتا دکھائی دے رہا ہے، ویڈیو میں تاحد نگاہ ٹائر ہی ٹائر موجود ہیں جبکہ ایک مقام سے سیاہ دھواں اٹھ رہا ہے۔

دھوئیں سے ظاہر ہورہا ہے جیسے ٹائروں کو جلا کر تلف کیا جارہا ہے۔

سوشل میڈیا پر وائرل ہونے کے بعد اس ویڈیو کو سخت تنقید کا نشانہ بنایا جارہا ہے، صارفین کا کہنا ہے کہ زمین کو کلائمٹ چینج اور بڑھتی آلودگی کے چیلنجز کا سامنا ہے اور ایسے میں ٹائروں کو جلانا ان چیلنجز کو مزید بڑھا رہا ہے۔کویت میں یہ ٹائروں کا نیا گودام ہے جو پرانے مقام سے یہاں منتقل کیا گیا ہے۔

پرانا گودام اتنا بڑا تھا کہ خلا سے بھی صحرا میں ایک سیاہ دھبے کی صورت میں نظر آتا تھا لیکن گزشتہ برس اسے سعودی سرحد کے قریب ایک نئے مقام پر منتقل کر دیا گیا جہاں ان کو ری سائیکل کیا جانے کا ارادہ تھا۔

لیکن حال ہی میں سامنے آںے والی ویڈیو سے ظاہر ہورہا ہے کہ حکام کے پاس پرانے ٹائروں کو ری سائیکل کرنے یا محفوظ طریقے سے تلف کرنے کا کوئی منصوبہ نہیں۔ایک سوشل میڈیا صارف کا کہنا تھا کہ کم از کم انہیں جلاتے ہوئے فلٹر ہی استعمال کرلیا جائے تاکہ اس سے ہونے والی آلودگی میں کمی ہوسکے۔

https://twitter.com/JamesMelville/status/1561349571036454919

ٹائرس جلانے کا ایک پرانا ویڈیو بھی سامنے آیا ہے جسے دیکھنے کے بعد سوشیل میڈیا یوزرس نے ماحولیات کے تحفظ تشویش کا اظہار کیا ہے۔