راجندر نگر میں ناریل کے تاجراورساتھیوں کا جی ایچ ایم سی عملہ پر حملہ (ویڈیو وائرل)

حیدرآباد: شہرحیدرآباد کے نواحی علاقہ راجندر نگر میں ناریل کے تاجراور اس کے ساتھیوں نے گریٹرحیدرآباد میونسپل کارپوریشن(جی ایچ ایم سی) کے عملہ پر پتھراؤ کیا۔اس تاجر کو مشورہ دیا گیا تھا کہ وہ سڑک کے کنارے فٹ پاتھ پر ناریل کا کاروبارنہ کرے۔

 لیکن جب انہوں نے بلدی عملہ کی بات ماننے سے انکار کردیا تو بلدیہ عملہ نے ناریل کو ضبط کرنے کی کوشش کی جس پر برہم ہو کر تاجر اور اس کے ساتھیوں نے بلدی عملہ پر پتھراؤ کیا۔

اس واقعہ کے سلسلہ میں متاثرہ عملے نے راجندر نگر پولیس اسٹیشن میں شکایت درج کرائی۔ انہوں نے کہا کہ ان پر پتھروں سے حملہ کیا گیا۔ پولیس نے مقدمہ درج کرکے جانچ شروع کردی۔اس واقعہ کا ویڈیو سوشیل میڈیا کے مختلف پلیٹ فارمس پرتیزی کے ساتھ وائرل ہوگئی۔