بیسٹ ٹیچرس ایوارڈس کے لئے 54 اساتذہ کا انتخاب

حیدرآباد: حکومت تلنگانہ نے بیسٹ ٹیچرس ایوارڈس 2023 کے لئے ریاست کے مختلف اسکولوں سے 54 اساتذہ کومنتخب کیا ہے۔

محکمہ اسکولی تعلیمات کوجملہ 97 تجاویز وصول ہوئیں۔ منتخب 54 اساتذہ میں 10 ہیڈماسٹرس‘ 20 اسکول اسسٹنٹس‘پی جی ٹیز‘ ٹی جی ٹیز‘ ہائی اسکول میں برسرخدمات ودیگر زمرہ کے اساتذہ‘ 11‘ ایس جی ٹی‘گورنمنٹ ڈائٹ کاایک لکچرر بھی شامل ہے۔

ایوارڈ کے لئے خصوصی زمرہ کے تحت 12 اساتذہ کو منتخب کیاگیا۔اسٹیٹ سلیکشن کمیٹی نے تمام اضلاع سے موصول شدہ نامزدگیوں کے حقائق کی تنقیح‘ ریمارکس اورمعلومات کی جانچ کے بعد بیسٹ ٹیچرس ایوارڈس کیلئے ان 54 اساتذہ کومنتخب کیاہے۔

5 ستمبر کو رویندرا بھارتی میں منعقدشدنی ٹیچرس ڈے پروگرام میں ان اساتذہ کو ایوارڈس عطا کئے جائیں گے۔

تمام ایوارڈی اساتذہ سے خواہش کی گئی ہے کہ وہ 4 ستمبرکو5بجے شام وزیر تعلیم سبیتا اندرا ریڈی کے ساتھ منعقد شدنی تبادلہ خیال کے پروگرام کے لئے ڈاکٹر مری چنا ریڈی ایچ آر ڈی سنٹر حیدرآبادمیں رپورٹ کریں۔