اقتدار سے اپوزیشن میں آنا نیا تجربہ: محمود علی

 حیدرآباد: بی آر ایس رکن کونسل وسابق وزیر داخلہ محمد محمود علی نے کہا کہ حکومت سے اپوزیشن میں آجانا ایک نیا تجربہ ہے آج اسمبلی میں میڈیا پائنٹ پر صحافیوں سے بات چیت کرتے ہوئے انہوں نے کہا کہ ہم حالیہ انتخابات میں شکست سے سبق لیتے ہوئے آگے بڑھیں گے۔

آئندہ پانچ سالوں کے دوران عوام کے درمیان رہتے ہوئے عوامی مسائل کو حل کرانے کیلئے جدوجہد کرتے رہیں گے۔ محمود علی نے واضح کیا کہ حکومت میں رہیں یا پھر اپوزیشن میں، ہمارے لئے ترقی کا موضوع اہمیت رکھتا ہے اور ہم ریاست کی ترقی اور خوشحالی کے لئے حکومت کے ساتھ تعاون کریں گے۔