حیدرآباد کے 3اسمبلی حلقوں کے ووٹوں کی گنتی روکنے کانگریس کا مطالبہ
کانگریس نے اس سلسلہ میں الیکشن کمیشن آف انڈیا کو ایک مکتوب بھی تحریر کیا۔ اپنے مکتوب میں کانگریس قائد جی نرنجن نے الزام عائد کیا کہ مجلس، ان تین اسمبلی حلقہ جات میں بوگس ووٹنگ اور ریگنگ کے ذریعہ پورے انتخابی عمل کو آلودہ کردیاہے۔
حیدرآباد: کانگریس پارٹی نے آج الزام عائد کیا کہ مجلس کے کارکنوں نے شہر کے 3اسمبلی حلقوں میں ریگنگ کی اور بوگس رائے دہی کو یقینی بنایا۔ کانگریس نے جمعہ کے روز الیکشن کمیشن سے مطالبہ کیا کہ وہ شہر حیدرآباد کے تین حلقہ جات اسمبلی چندرائن گٹہ، بہادر پورہ، اور چارمینار کے ووٹوں کی گنتی کے عمل کو اس وقت تک روکدے جب تک سی سی ٹی وی فوٹیج کی تصدیق کا عمل مکمل نہیں ہوتا۔
کانگریس نے اس سلسلہ میں الیکشن کمیشن آف انڈیا کو ایک مکتوب بھی تحریر کیا۔ اپنے مکتوب میں کانگریس قائد جی نرنجن نے الزام عائد کیا کہ مجلس، ان تین اسمبلی حلقہ جات میں بوگس ووٹنگ اور ریگنگ کے ذریعہ پورے انتخابی عمل کو آلودہ کردیاہے۔
انہوں نے الزام عائد کیا کہ مجلسی قائدین نے کانگریس لیڈرس اور کارکنوں پر حملے بھی کئے۔ نرنجن نے الزام عائد کیا کہ جن بوتھس پر اپوزیشن پارٹی کے ایجنٹس نہیں تھے، وہاں مجلس کے کارکنوں نے بوگس رائے دہی کرائی۔
انہوں نے کہا کہ الیکشن کمیشن کے عہدیدار، مجلس کارکنوں کو انتخابی بدعنوانیوں سے روکنے میں ناکام رہے۔ انہوں نے ان تین اسمبلی حلقہ جات کے تمام بوتھس کے سی سی ٹی وی فوٹیج کا جائزہ لینے اور خاطیوں کے خلاف کارروائی کا مطالبہ کیا۔
