کانگریس‘عوام کے اعتمادسے محروم: کشن ریڈی

حیدرآباد: صدربی جے پی تلنگانہ ومرکزی وزیر سیاحت جی کشن ریڈی نے کہاکہ کانگریس‘ عوام کا اعتماد کھوچکی ہے۔آج یہاں صحافیو سے بات چیت کرتے ہوئے انہوں نے کہاکہ کانگریس اگر 6کے بجائے60 گیارنٹیز کا اعلان بھی کرتی ہے تو عوام کویقین نہیں آئے گا۔

 ملک پر 60 سالوں تک حکمرانی کرچکی کانگریس کی تاریخ سے سب اچھی طرح واقف ہیں۔ انہوں نے کہاکہ دس سال تک اقتدار سے دور رہنے والی کانگریس کے قائدین کی سیاسی بھوک عروج پر ہے وہ عوام کوحیلہ بہانوں کے ذریعہ ٹوپی پھناناچاہتے ہیں۔

 وزیر اعظم نریندر مودی کے دورے تلنگانہ کے دوران ریاست پر تحائف کی بارش کرنے جارہے ہیں جس کے بعد ریاست کی سیاسی صورتحال مکمل طورپربدل جائے گی۔آئندہ انتخابات میں بڑے بڑے نام کابینی وزراء شکست فاش سے دوچارہوجائیں گے۔

کے سی آر پر مودی کاخوف طاری ہونے کا الزام لگاتے ہوئے ریڈی نے کہاکہ اسی لئے وہ مودی کا سامنا کرنے سے کترارہے ہیں۔ان کی تنگ ذہنی اور خراب حکمرانی کی وجہ سے عوام کے سی آر ہٹاؤ تلنگانہ بچاؤ کا نعرہ لگانے پر مجبور ہوں گے ہیں۔