تلنگانہ

کانگریس ایم ایل سی بالمور وینکٹ کی کار حادثہ کا شکار، اہلیہ سمیت معمولی زخمی

تلنگانہ سے تعلق رکھنے والے کانگریس ایم ایل سی بالمور وینکٹ اور ان کی اہلیہ سڑک حادثے میں معمولی زخمی ہوگئے۔ یہ حادثہ ضلع رنگاریڈی کے کوتھور جنکشن پر بدھ کی علی الصبح پیش آیا، جہاں ان کی کار ایک مرغیوں سے لدے ڈی سی ایم ٹرک سے ٹکرا گئی۔

حیدرآباد: تلنگانہ سے تعلق رکھنے والے کانگریس ایم ایل سی بالمور وینکٹ اور ان کی اہلیہ سڑک حادثے میں معمولی زخمی ہوگئے۔ یہ حادثہ ضلع رنگاریڈی کے کوتھور جنکشن پر بدھ کی علی الصبح پیش آیا، جہاں ان کی کار ایک مرغیوں سے لدے ڈی سی ایم ٹرک سے ٹکرا گئی۔

اطلاعات کے مطابق بالمور وینکٹ اپنی اہلیہ کے ہمراہ تروپتی سے حیدرآباد واپس آرہے تھے کہ کوتھور جنکشن کے قریب ان کی کار کی ٹکر ٹرک سے ہوگئی۔

حادثے میں بالمور وینکٹ اور ان کی اہلیہ کو معمولی چوٹیں آئیں، تاہم دونوں شدید زخمی ہونے سے محفوظ رہے۔ تصادم کے نتیجے میں کار کو نقصان پہنچنے کی بھی اطلاع ہے۔

حادثہ علی الصبح پیش آیا۔ ٹکر کے اسباب کا فوری طور پر پتہ نہیں چل سکا ہے۔ واقعہ سے متعلق مزید تفصیلات کا انتظار ہے۔