کانگریس پارٹی تلنگانہ میں او بی سی کے ساتھ کھڑی رہے گی: مانک راؤ ٹھاکرے

حیدرآباد: اے آئی سی سی سکریٹری وتلنگانہ کانگریس امور کے انچارج مانک راؤ ٹھاکرے نے یقین دلایا کہ کانگریس پارٹی ریاست تلنگانہ میں او بی سی کے ساتھ کھڑی رہے گی۔ انہوں نے شہر حیدرآباد کے دیا نگر علاقہ میں بی سی ویلفیر ایسوسی ایشن کے قومی صدر آر کرشنیا سے ملاقات کی۔

ذرائع کے مطابق انہوں نے اس موقع پر ریاست کی سیاسی صورتحال اور دیگر امور پر تفصیلی طورپر تبادلہ خیال کیا۔ ٹھاکرے نے بعد ازاں میڈیا سے بات کرتے ہوئے نشاندہی کی کہ کانگریس پارٹی او بی سی طبقہ کے مسائل، بجٹ اور عوامی نمائندوں پر مثبت رائے رکھتی ہے۔

انہوں نے کہاکہ کرشنیا نے جو بھی بات کانگریس کے لیڈروں کے سامنے رکھی وہ ہماری قیادت کی سونچ کے مطابق ہے،اس کو آگے بڑھانے کی کوشش کانگریس پارٹی کرے گی۔