حیدرآباد
انتخابی وعدوں کو پورا نہ کرنے پر کانگریس کو چھوڑانہیں جائے گا:کے ٹی آر
کے ٹی آر نے اسمبلی میں میڈیا سے غیررسمی بات چیت کرتے ہوئے کہا کہ کانگریس بشمول وزیراعلی کی جانب سے کئے گئے ہر وعدہ کا ریکارڈ ہے، ان کا انکشاف مناسب وقت پر کیاجائے گا۔
حیدرآباد: بی آرایس کے کارگذارصدرتارک راما راو نے کہا ہے کہ انتخابی وعدوں کو پورا نہ کرنے پر کانگریس کو چھوڑانہیں جائے گا۔انہوں نے کہاکہ وزیراعلی ریونت ریڈی اور کانگریس کے لیڈران نے ناقابل عمل وعدے،ان پر عمل آوری کے امکان پر غور کئے بغیر انتخابات کے دورا ن کئے۔
انہوں نے اسمبلی میں میڈیا سے غیررسمی بات چیت کرتے ہوئے کہا کہ کانگریس بشمول وزیراعلی کی جانب سے کئے گئے ہر وعدہ کا ریکارڈ ہے، ان کا انکشاف مناسب وقت پر کیاجائے گا۔
کانگریس لیڈرراہل گاندھی نے حکومت بننے کے اندرون 24گھنٹے فصل پر قرض کی معافی کااعلان کیا تھا۔ریونت ریڈی نے یقین دہانی کروائی تھی کہ سوشل سیکوریٹی پنشن اقتدارحاصل کرنے کے بعد 4000روپئے کردی جائے گی۔
a3w