کانگریس کی منریگا بچاؤ سنگرام یاترا

حیدرآباد: حیدرآباد میں کانگریس نے منریگا اسکیم کو کمزور کرنے کی کوششوں کے خلاف منریگا بچاؤ سنگرام یاترا نکالی۔

اس احتجاجی پروگرام میں ہزاروں افراد نے شرکت کر کے مرکزی حکومت کے خلاف اپنی ناراضگی کا اظہار کیا۔

ریلی سکریٹریٹ کے سامنے واقع راجیو گاندھی کے مجسمہ سے شروع ہو کر اندرا گاندھی کے مجسمہ پر اختتام کو پہنچی۔

کانگریس قائدین نے زور دیا کہ غریب عوام کے آئینی حقوق کا تحفظ کیا جائے اور روزگار کی ضمانت فراہم کرنے والی اس اسکیم کو کسی بھی صورت میں کمزورنہ کیا جائے۔

اس پروگرام میں اے آئی سی سی سکریٹری و انچارج سچن ساونت، راجیہ سبھا رکن انیل کمار یادو اور دیگر اہم قائدین نے شرکت کی۔