ملک پیٹ میں ایلیویٹیڈ کاریڈور کی تعمیر، ٹرافک نظام میں بڑی تبدیلیاں

حیدرآباد: حیدرآباد ٹریفک پولیس نے ملک پیٹ فائر اسٹیشن سے یادگیری تھیٹر تک ایلیویٹیڈ کاریڈور کی تعمیر کے پیش نظر شہر میں بڑے پیمانے پر ٹریفک ڈائیورژن نافذ کرنے کا اعلان کیا ہے۔ یہ ٹریفک تبدیلیاں جمعرات 15 جنوری سے نافذ ہوں گی اور تقریباً 60 دن تک جاری رہیں گی۔

ٹریفک پولیس کے مطابق اس دوران سعید آباد وائے جنکشن سے آئی ایس سدن جنکشن تک اور سعید آباد وائے جنکشن سے دھوبی گھاٹ تک کے راستے کو تعمیراتی کام کے لیے بند رکھا جائے گا۔ ان راستوں پر عام ٹریفک کی آمد و رفت مکمل طور پر معطل رہے گی۔

پولیس نے عوام کو مشورہ دیا ہے کہ نلگنڈہ ایکس روڈ سے اویسی اسپتال (ڈی ایم آر ایل جنکشن) کی طرف جانے والے راستے سے حتی الامکان گریز کریں کیونکہ اطراف کی سڑکوں اور جنکشنوں پر شدید ٹریفک جام کا خدشہ ہے۔

نلگنڈہ ایکس روڈ سے سعید آباد وائے جنکشن کی جانب آنے والی وہ گاڑیاں جو سنتوش نگر اور آئی ایس سدن جانا چاہتی ہیں، انہیں متبادل راستے پر موڑا جائے گا۔ یہ گاڑیاں سعید آباد وائے جنکشن سے ڈی سی پی ساؤتھ ایسٹ زون آفس، سعید آباد لا اینڈ آرڈر پولیس اسٹیشن، سرسوتی نگر کمان، سنکیشور بازار، انڈین پیٹرول پمپ، سنگارینی کالونی، اونَس روبوٹک اسپتال چمپا پیٹ، چمپا پیٹ مین روڈ اور چمپا پیٹ ایکس روڈ کے راستے آئی ایس سدن پہنچیں گی۔ یہ راستہ کاروں، آر ٹی سی بسوں اور بھاری گاڑیوں کے لیے مخصوص ہوگا۔

چنچل گوڑہ سے سعید آباد وائے جنکشن کی طرف آنے والی ٹو وہیلر اور تھری وہیلر گاڑیاں جو آئی ایس سدن جانا چاہتی ہیں، انہیں سعید آباد وائے جنکشن سے 105 بس اسٹاپ، رامالیام کمان، لکشمی نگر، بسکٹ فیکٹری، دھوبی گھاٹ جنکشن اور آئی ایس سدن مین روڈ کی طرف موڑا جائے گا۔

اسی طرح چنچل گوڑہ سے آنے والی ٹو وہیلر اور تھری وہیلر گاڑیاں جو چمپا پیٹ جانا چاہتی ہیں، انہیں سعید آباد وائے جنکشن سے سعید آباد لا اینڈ آرڈر پولیس اسٹیشن، 105 بس اسٹاپ، رامالیام کمان، لکشمی نگر، ونئے نگر لفٹ ٹرن، بھارت گارڈن کے راستے آئی ایس سدن اور چمپا پیٹ مین روڈ کی طرف موڑا جائے گا۔

چادر گھاٹ سے آئی ایس سدن اور چمپا پیٹ جانے والی آر ٹی سی بسوں کو نلگنڈہ ایکس روڈ سے ملک پیٹ گنج، موسارم باغ ایکس روڈ، گڈی انارم یو ٹرن، گڈی انارم ایکس روڈ، شیوا گنگا تھیٹر، حنیفیہ مسجد، انڈین آئل پیٹرول پمپ، سنگارینی کالونی، اونَس اسپتال اور چمپا پیٹ مین روڈ کے راستے موڑا جائے گا۔

ایم جی بی ایس اور چادر گھاٹ سے آئی ایس سدن اور چمپا پیٹ جانے والی تمام ضلعی آر ٹی سی بسوں اور بھاری گاڑیوں کو نلگنڈہ ایکس روڈ سے ملک پیٹ، موسارم باغ، دل سکھ نگر، کتہ پیٹ اور ایل بی نگر چوراستہ کی طرف موڑا جائے گا۔

ٹریفک پولیس نے شہریوں سے اپیل کی ہے کہ وہ پولیس سے تعاون کریں، متبادل راستے اختیار کریں اور سفر کے لیے پیشگی منصوبہ بندی کریں تاکہ کسی بھی قسم کی پریشانی سے بچا جا سکے۔

 پولیس کا کہنا ہے کہ ایلیویٹیڈ کاریڈور کی تعمیر مکمل ہونے کے بعد اس علاقے میں ٹریفک نظام کو مزید بہتر بنانے میں مدد ملے گی، تاہم اس دوران شہریوں کو عارضی مشکلات کا سامنا کرنا پڑ سکتا ہے۔