کووڈ متاثرین کی تعداد 63 ہزار سے تجاوز

نئی دہلی: ملک میں گزشتہ 24 گھنٹے کے دوران کووڈ انفیکشن کے 10,000 سے زیادہ نئے معاملے سامنے آئے ہیں اور اس کے ساتھ ہی متاثرہ افراد کی کل تعداد 63,000 سے تجاوز کر گئی ہے۔

صحت اور خاندانی بہبود کی مرکزی وزارت نے بدھ کو یہاں بتایا کہ گزشتہ 24 گھنٹوں کے دوران ملک میں 10542 نئے لوگ کووڈ سے متاثر ہوئے ہیں۔

اس کے ساتھ ہی کووڈ متاثرین کی تعداد بڑھ کر 63562 ہو گئی ہے اور انفیکشن کی شرح 4.39 فیصد ریکارڈ کی گئی ہے۔

وزارت کے مطابق گزشتہ 24 گھنٹوں میں 8175 لوگ کووڈ انفیکشن سے صحت یاب ہوئے ہیں۔

بحالی کی شرح 98.67 فیصد ہے۔ اسی عرصے میں 240014 کووڈ ٹیسٹ کیے گئے ہیں۔

گزشتہ 24 گھنٹوں کے دوران 487 کووڈ ویکسین لگائی گئی ہیں۔

اس کے ساتھ ہی ملک میں 220.66 کروڑ سے زیادہ افراد کو ٹیکے لگائے جاچکے ہیں۔