تلنگانہ میں جرائم کی وارداتوں میں اضافہ ہوا:سنیتاراو

حیدرآباد: تلنگانہ مہیلاکانگریس کی صدرو گوشہ محل اسمبلی حلقہ کی امیدوار سنیتاراو نے کہا ہے کہ اس حلقہ کے موجودہ رکن اسمبلی راجہ سنگھ نے صرف ہندووں اورمسلمانوں کولڑانے کاکام کیا ہے۔

انہوں نے میڈیا سے بات کرتے ہوئے کہاکہ کانگریس دورمیں غریبوں کی خدمت کا کام کیاجاتا تھا۔راش کی دکانات پر 9اشیا ملتی تھیں۔

انہوں نے کہاکہ بی آرایس نے مسلمانوں کو 12فیصد ریزرویشن کے نام پر دھوکہ دیا۔انہوں نے کہا کہ کانگریس کے دور میں ترقی ہوئی تھی اور اب بھی کانگریس ہی ریاست کو ترقی دلائے گی۔

انہوں نے کہا کہ تلنگانہ میں جرائم کی وارداتوں میں اضافہ ہوا ہے۔کانگریس غریبوں کی پارٹی ہے۔ کانگریس کے برسراقتدارآنے پردولاکھ ملازمتیں فراہم کی جائیں گی۔

انہوں نے کہاکہ بی آرایس کو ووٹ دینا بی جے پی کو ووٹ دینے کے برابر ہے۔