طوفان موچہ۔ تین دنوں تک آندھراپردیش میں بارش ہوگی

حیدرآباد: ہندوستانی محکمہ موسمیات نے انتباہ دیا ہے کہ طوفان موچہ کے زیراثرمسلسل تین دنوں تک آندھراپردیش میں بارش جاری رہے گی۔

ہندوستانی محکمہ موسمیات نے قبل ازیں کہا تھا کہ طوفان موچہ جنوب مشرق خلیج بنگال اور اس سے متصل علاقہ میں مرکوز ہے اور توقع ہے کہ یہ 7 اور9 مئی کو مشرقی ساحل سے ٹکرائے گا۔

اسی کے زیراثرمسلسل تین دنوں تک بارش ہوگی۔محکمہ نے اپنے بلیٹن میں کہا کہ شمالی ساحلی اے پی، یانم، جنوبی ساحلی اے پی میں بعض مقامات پر کہیں کہیں بارش کاامکان ہے۔

ساتھ ہی رائل سیما میں بعض مقامات پر 30 تا 40 کلومیٹرفی گھنٹہ کی رفتار سے طوفانی ہوائیں چلیں گی۔

اسی دوران دوسرے موسمیاتی ذرائع نے کہاکہ خلیج بنگال میں طوفانی ہوا میں عدم استحکام ختم ہورہا ہے اورہوا میں استحکام ہورہا ہے جس کے نتیجہ میں رائل سیما میں شدید بارش کا امکان ہے۔

اضلاع سریکاکلم، وجیانگرم، پاروتی پورم، انکاپلی،ایلورو، مشرقی و مغربی گوداوری، این ٹی آرضلع،گنٹور، کرشنا، پلناڈو، پرکاشم، نیلور، تروپتی، نندیال، چتور، کڑپہ اور انامیا میں بارش کاامکان ظاہر کیاگیا ہے۔