طوفان موچہ کا اثر آندھراپریش یا اوڈیشہ پر نہیں پڑے گا

حیدرآباد: ہندوستانی محکمہ موسمیات کے عہدیداروں نے کہا ہے کہ خلیج بنگال پر بنے طوفان موچہ کا اثر، اوڈیشہ یا آندھراپردیش پر نہیں پڑے گا۔یہ طوفان، بنگلہ دیش اور مائنمار کی سمت 110تا130کلومیٹرفی گھنٹہ کی رفتار سے طوفانی ہواوں کے ساتھ پیش قدمی کرے گا۔

عہدیداروں نے کہاکہ اوڈیشہ میں کسی بھی قسم کی بارش یا پھر طوفانی ہواوں کا انتباہ نہیں دیاگیا ہے۔ یہ ایک گہرا سمندری طوفان ہوگا۔عہدیداروں نے جنوب مشرقی اور وسطی خلیج بنگال کے ساتھ ساتھ انڈومان سمندر میں اتوار تک چھوٹی کشتیوں اور ماہی گیری کی سرگرمیوں کوروکنے کی خواہش کی۔اے پی کے ساحل کو طوفان موچہ سے راحت حاصل ہوگئی ہے۔