داؤد ابراہیم نے پاکستان میں دوسری شادی کرلی: این آئی اے

نئی دہلی: داؤد ابراہیم کاسکر‘ پاکستان کے شہر کراچی میں مقیم ہے اور اس نے وہاں ایک پٹھان خاتون سے شادی کرلی ہے۔ حسینہ پارکر کے لڑکے اور داؤد کے بھانجہ علی شاہ پارکر نے این آئی اے کو یہ بات بتائی۔ داؤد کی پہلی بیوی مہ جبین کو اپنے شوہر کی دوسری شادی کا علم ہے۔

 داؤد دونوں سے علیحدہ ایپ کے ذریعہ رابطہ میں ہے۔ این آئی اے نے داؤد‘ این سی پی قائد نواب ملک اور دیگر کے خلاف دہشت گردی کے ایک کیس میں داخل اپنی چارج شیٹ میں یہ دعویٰ کیا ہے۔

قبل ازیں علی شاہ پارکر نے دعویٰ کیا تھا کہ وہ داؤد سے رابطہ میں نہیں ہے۔ چارج شیٹ میں کہا گیا کہ داؤد‘ ہندوستان چھوڑدینے کے بعد سے چھوٹا شکیل‘ انیس ابراہیم شیخ‘ جاوید چکنا‘ ٹائیگر میمن‘ اقبال مرچی اور حسینہ پارکر کے ذریعہ اپنی گینگ چلارہا ہے۔