بی جے پی امیدواروں کی قطعی فہرست جاری
بی جے پی ذرائع نے بتایا کہ این ڈی اے کی حلیف جنا سینا پارٹی جس کے بانی اداکار وسیاست داں پون کلیان ہیں، ریاست میں 119 کے منجملہ صرف8 حلقوں سے انتخاب لڑنے کا اعلان کیا ہے۔
حیدرآباد: تلنگانہ قانون ساز اسمبلی کے انتخابات کے لئے بی جے پی نے جمعہ کے روز14 امیدواروں پر مشتمل قطعی فہرست جاری کی ہے۔ پارٹی نے جن امیدواروں کا اعلان کیا ہے ان میں سینئر قائد و سابق ایم ایل سی، این رامچندر راؤ کا نام شامل ہے۔
انہیں یہاں حلقہ ملکاجگری سے پارٹی کا امیدوار بنایا گیا ہے۔ فہرست کے مطابق جن قائدین کو ٹکٹ دیا گیا ہے، ان میں اے سری دیوی (حلقہ بیلم پلی)، ڈی پردیپ (پداپلی)، ڈی راجیشور راؤ(سنگاریڈی)، وائی سدرشن ریڈی (میڑچل)، روی کمار یادو(شیر لنگم پلی)، راہول چندرا (نامپلی)، کے مہندر (چندرائن گٹہ)، سری گنیش نارائن (سکندرآباد کنٹونمنٹ)، کونڈا پرشانت ریڈی (دیور کدرا)، انوگنا ریڈی (ونپرتی)، راجگوپال (عالم پور)، کے پلاراؤ (نرسم پیٹ) اور پی وجئے راجو (حلقہ مدھیرا) شامل ہیں۔
بی جے پی ذرائع نے بتایا کہ این ڈی اے کی حلیف جنا سینا پارٹی جس کے بانی اداکار وسیاست داں پون کلیان ہیں، ریاست میں 119 کے منجملہ صرف8 حلقوں سے انتخاب لڑنے کا اعلان کیا ہے۔
