بھگوان جگناتھ‘ مودی کے بھکت!،سمبیت پاترا کو غلط ریمارک پر معافی مانگنی پڑی
سمبیت پاترا نے ایکس پر ویڈیو پیام میں کہا کہ زبان پھسلنے سے جو غیرارادی ریمارک میں نے کیا اس کے لئے میں 3 دن کا برت رکھوں گا۔ جگناتھ کے تعلق سے جو غلطی ہوئی اس پر مجھے بڑا دکھ ہے۔
بھوبنیشور: بھگوان جگناتھ والے ریمارک پر سیاسی جماعتوں کی مسلسل تنقید کے بیچ بی جے پی ترجمان اور حلقہ لوک سبھا پوری کے امیدوار سمبیت پاترا نے ”لغزش زبان“ کے لئے منگل کے دن معافی مانگ لی۔ انہوں نے اعلان کیا کہ وہ اس کی تلافی کے لئے 3 دن کا برت رکھیں گے۔
انہوں نے ایکس پر ویڈیو پیام میں کہا کہ زبان پھسلنے سے جو غیرارادی ریمارک میں نے کیا اس کے لئے میں 3 دن کا برت رکھوں گا۔ جگناتھ کے تعلق سے جو غلطی ہوئی اس پر مجھے بڑا دکھ ہے۔ میں جگناتھ جی کے پیر چھوتا ہوں اور معافی مانگتا ہوں۔
سمبیت پاترا نے پیر کے دن مقامی ٹی وی چیانل کو انٹرویو میں ریمارک کیا تھا کہ بھگوان جگناتھ‘ وزیراعظم مودی کے بھکت ہیں۔ ان کے اس ریمارک پر اوڈیشہ میں برسراقتدار بیجو جنتادل کی طرف سے سخت ردعمل سامنے آیا تھا۔
आज महाप्रभु श्री जगन्नाथ जी को लेकर मुझसे जो भूल हुई है, उस विषय को लेकर मेरा अंतर्मन अत्यंत पीड़ित है।
— Sambit Patra (@sambitswaraj) May 20, 2024
मैं महाप्रभु श्री जगन्नाथ जी के चरणों में शीश झुकाकर क्षमा याचना करता हूँ। अपने इस भूल सुधार और पश्चाताप के लिए अगले 3 दिन मैं उपवास पर रहूँगा।
जय जगन्नाथ।
ଆଜି ଶ୍ରୀ… pic.twitter.com/rKavOxMjIq
دنیا کے مختلف ممالک میں مقیم اُڑیہ شہریوں نے بھی برہمی ظاہر کی تھی۔ چیف منسٹر بیجو پٹنائک نے پیر کے دن ایکس پر پوسٹ کیا تھا کہ بھگوان جگناتھ‘ اُڑیہ اسمیتا کی سب سے بڑی علامت ہیں۔ انہیں دوسرے انسان کا بھکت کہنا پوری طرح قابل مذمت ہے۔
میں بی جے پی امیدوار کے بیان کی پرزور مذمت کرتا ہوں اورپارٹی سے اپیل کرتا ہوں کہ وہ بھگوان کو سیاست سے اوپر رکھے۔ چیف منسٹر دہلی کجریوال نے بھی بیان کی مذمت کی اور اسے ”گھمنڈ کی انتہا“ قراردیا۔
