دھونی کی فلم لیٹس گیٹ میرڈ کا موشن پوسٹر ریلیز

ممبئی: ہندوستانی کرکٹ ٹیم کے سابق کپتان مہندر سنگھ دھونی کی پہلی فلم ‘لیٹس گیٹ میرڈ’ کا موشن پوسٹر جاری کر دیا گیا ہے۔

مہندر سنگھ دھونی کرکٹ سے ریٹائرمنٹ کے بعد فلموں کی دنیا میں انٹری لے رہے ہیں۔ دھونی انٹرٹینمنٹ کے بینر تلے بننے والی پہلی تمل فلم ‘لیٹس گیٹ میرڈ’ (ایل جی ایم) کا موشن پوسٹر جاری کر دیا گیا ہے۔ اس فلم میں جنوبی ہند کے اداکار ہریش کشیپ اور ایوانا مرکزی کردار میں نظر آئیں گے۔

فلم ‘ایل جی ایم’ کے ہدایت کار رمیش تھملمانی ہیں، جبکہ اس کی پروڈیوسر دھونی کی اہلیہ ساکشی سنگھ ہیں۔ اس فلم میں ہریش اور ایوانا کے علاوہ نادیہ اور یوگی بابو بھی اہم کردارمیں نظرآئیں گے۔