آئی پی ایل کی میگا اور منی نیلامی میں فرق

حیدرآباد: آئی پی ایل 2025 میگا نیلامی کی تیاریاں زوروں پر ہیں اور اس کے ساتھ ہی کرکٹ کے شائقین میں جوش و خروش کی سطح بھی بڑھ گئی۔ اس میگا نیلامی میں کئی بڑی تبدیلیاں متوقع ہیں جن میں برقرار رکھنے کے نئے اصول اور کچھ پرانے دلچسپ قوانین کی واپسی شامل ہے۔

اس کے ساتھ نیلامی میں کئی بڑے کھلاڑیوں کے آنے کے امکان نے اس نیلامی کو اور بھی خاص بنادیا ہے لیکن میگا آکشن کے ساتھ ساتھ منی آکشن بھی ہوتی ہے اور دونوں میں بہت سے اہم فرق ہیں جن کے بارے میں جاننا ضروری ہے۔

میگا نیلامی میں ٹیموں کو رائٹ ٹو میچ کارڈز (آر ٹی ایم کارڈ) استعمال کرنے کی اجازت ہوتی ہے جس کے ذریعے وہ نیلامی میں چھوڑے گئے کھلاڑی کو سب سے زیادہ بولی کے برابر بولی لگاکر واپس لاسکتی ہیں۔ لیکن منی نیلامی میں ایسا کوئی آپشن نہیں ہے۔

 آر ٹی ایم کارڈ صرف میگا نیلامی کے دوران ہی دستیاب ہوتاہے تاہم اس بار اس میں معمولی تبدیلی کی گئی ہے جس سے یہ اور بھی دلچسپ ہوگیا ہے۔ میگا اور منی نیلامی کے درمیان برقرار رکھنے کے قوانین بھی ایک بڑا فرق ہیں۔

میگا نیلامی میں ٹیموں کو 1+5 پالیسی کے ساتھ زیادہ سے زیادہ 6 کھلاڑی برقرار رکھنے کی اجازت ہے۔ اس کا مطلب ہے کہ ٹیمیں 5 کیپڈ (ہندوستانی یا غیر ملکی) اور 1 غیر کیپڈ کھلاڑی کو برقرار رکھ سکتی ہیں جبکہ منی نیلامی میں برقرار رکھنے کی کوئی حد نہیں ہے۔