کوویڈ کی نئی ذیلی شکل جے 1 سے خوفزدہ ہونے کی ضرورت نہیں:ڈائرکٹرطبی تعلیم تلنگانہ

حیدرآباد: ڈائرکٹرطبی تعلیم تلنگانہ ڈاکٹر تریوینی نے کہا ہے کہ کوویڈ کی نئی ذیلی شکل جے 1 سے خوفزدہ ہونے کی ضرورت نہیں ہے۔

انہوں نے زوردیتے ہوئے کہا کہ اومیکرون کم موثر تھا اور اب اس کا ذیلی ویرینٹ جے این ون بھی کم موثر ہے۔

جے این سے متاثر ہونے والوں کو ماضی کی طرح آکسیجن ایمرجنسی کی ضرورت نہیں ہوگی تاہم ایمرجنسی کی صورت میں آکسیجن تیار رکھا گیا ہے۔

انہوں نے کہاکہ کوویڈ کی علامات والے افراد کے معائنے روزانہ کروائے جارہے ہیں؟ انہوں نے کہا کہ عثمانیہ، چیسٹ اور گاندھی سرکاری اسپتالوں میں تمام انتظامات کئے گئے ہیں۔

انہوں نے کہاکہ ڈاکٹرس آر ٹی پی سی آر ٹسٹ کرانے کے لیے تیار ہیں جنہیں اس کی ضرورت ہے۔ انہوں نے کہا کہ نئے سال کی تقاریب کے بعد نئے معاملات میں اضافہ کا امکان ہے۔