حیدرآباد کے 3950 افراد کو ایک لاکھ روپے امدادی رقم کی تقسیم

حیدرآباد: صدرنشین اقلیتی مالیاتی کارپوریشن تلنگانہ محمد امتیاز اسحاق نے کہا کہ 16 اگست کو نمائش میدان میں شہر حیدرآباد کے 3950 افراد کو ایک ایک لاکھ روپے سبسیڈی رقم دی جارہی ہے۔ ماباقی 6050 افراد جن کا تعلق اضلاع کے اسمبلی حلقوں سے ہے کو دیا جائے گا۔

 چیف منسٹر چندر شیکھر راؤ نے 10 ہزار افراد کو ایک لاکھ روپے سبسیڈی پر رقم جاری کرنے کا فیصلہ کیا ہے۔ صدرنشین اقلیتی مالیاتی کارپوریشن تلنگانہ محمد امتیاز اسحاق نے سکریٹری محکمہ اقلیتی بہبود سید عمر جلیل اور منیجنگ ڈائرکٹر اقلیتی مالیاتی کارپوریشن تلنگانہ کانتی ویزلی‘ جوائنٹ سکریٹری محکمہ اقلیتی بہبود شیخ لیاقت حسین نے نمائش میدان نامپلی کا دورہ کرتے ہوئے انتظامات کا جائزہ لیا۔

محمد امتیاز اسحاق نے اخباری نمائندوں کو مخاطب کرتے ہوئے کہا کہ ریاستی وزراء محمد محمود علی‘ کے ایشور‘ ایم آئی ایم رکن ا سمبلی اکبر الدین اویسی کے علاوہ دیگر شرکت کریں گے۔

 انہوں نے کہا کہ حکومت کی جانب سے اقلیتوں کی فلاح و ہ بہبود کے لئے کئی اسکیمات کا آغاز کیا گیا ہے جس میں شادی مبارک‘ پنشن اوورسیز اسکالرشپ اور دیگر اسکیمات شامل ہیں۔