سادات بیت المال فاؤنڈیشن کی جانب سے مستحق سادات میں راشن کی تقسیم

حیدرآباد: سادات بیت المال فاؤنڈیشن اینڈ سوسائٹی (قائم شدہ 2013ء) کی جانب سے فروری 2025ء میں مستحق سادات کرام میں راشن کی تقسیم عمل میں آئی۔

اہلِ خیر حضرات کے مالی تعاون اور پاکیزہ مال کی بدولت یہ سلسلہ جاری ہے، تاکہ مستحق خاندانوں کی مدد کی جا سکے۔

اس موقع پر معروف علمائے کرام اور معزز شخصیات بھی موجود تھیں، جن میں مولانا مفتی حافظ و قاری سید صغیر احمد نقشبندی مجددی قادری (شیخ الحدیث جامعہ نظامیہ)، مولانا مفتی حافظ محمد وجیہ اللہ سبحانی نقشبندی (معتمد عمومی مفتی محمد رحیم الدین میموریل سوسائٹی)، مولانا حافظ و قاری سید عبد الرحمن (فاضل جامعہ نظامیہ و بانی سادات بیت المال)، جناب حبیب ابوبکر الحسین، جناب محمد سراج الرحمن نقشبندی، ڈاکٹر سید رحمت اللہ قادری اور ڈاکٹر سید فضل الدین شامل تھے۔

تقریب کے دوران علمائے کرام نے سادات بیت المال کی خدمات کو سراہا اور اہلِ خیر حضرات سے اس کارِ خیر میں تعاون جاری رکھنے کی اپیل کی۔