آندھراپردیش سے تعلق رکھنے والی ڈاکٹر کی آسٹریلیا میں موت

حیدرآباد: آندھراپردیش سے تعلق رکھنے والی ڈاکٹر کی آسٹریلیا میں موت ہوگئی۔مہلوک ڈاکٹر کی شناخت ضلع کرشنا کی رہنے والی ایم اجول کے طور پر کی گئی ہے جو پی جی میڈیکل کورس کیلئے آسٹریلیا گئی تھی۔

وہ اپنے ساتھیوں کے ساتھ تفریح کیلئے ٹریکنگ پر گئی تھی تاہم اتفاقی طورپر اس کی موت ہوگئی۔اس نے بانڈ یونیورسٹی، گولڈ کیسل، آسٹریلیا سے ایم بی بی ایس مکمل کیاتھا۔

فی الحال رائل برسبین خواتین کے اسپتال میں کام کر رہی تھی۔

ذرائع کے مطابق اس مہینے کی 2 تاریخ کووہ جو اپنے دوستوں کے ساتھ تفریح کے مقصد سے ٹریکنگ کے لیے گئی تھی تاہم ٹریکنگ کے دوران غلطی سے پھسل کر کھائی میں گر نے سے اس کی موت ہوگئی۔

اس واقعہ سے اس کے والدین اور رشتہ داروں میں غم کی لہر دوڑگئی۔