دبئی کے مشہور یوٹیوبر خالد العامری تامل اداکارہ سنینا پر فریفتہ، بیوی کو طلاق دے کر جلد کریں گے دوسری شادی
دبئی میں مقیم ایک مقبول یوٹیوبر خالد العامری تامل اداکارہ سنینا فریفتہ ہوگئے ہیں اور وہ بہت جلد اس سے شادی کرنے والے ہیں۔ سنینا سے شادی سے قبل وہ اپنی عرب اہلیہ کو طلاق دے دیں گے۔
نئی دہلی: دبئی میں مقیم ایک مقبول یوٹیوبر خالد العامری تامل اداکارہ سنینا فریفتہ ہوگئے ہیں اور وہ بہت جلد اس سے شادی کرنے والے ہیں۔ سنینا سے شادی سے قبل وہ اپنی عرب اہلیہ کو طلاق دے دیں گے۔
اس سلسلہ میں کئی رپورٹس سامنے آئی ہیں جس کے بعد دونوں نے الگ الگ سوشیل میڈیا پوسٹس میں اپنی منگنی کا اشارہ دیا ہے۔
خالد کی اہلیہ نے بھی دونوں کی طلاق کی تصدیق کی ہے جس کے بعد سوشل میڈیا پر ہنگامہ آرائی میں اضافہ ہوگیا ہے۔ اس بات کی گونج اس وقت شروع ہوئی جب خالد العامری نے کچھ دن پہلے اعلان کیا تھا کہ اس کی منگنی ہو گئی ہے۔
قابل ذکر بات یہ ہے کہ سنینا نے بھی جون میں ایک پوسٹ شیئر کی تھی جس میں اشارہ دیا گیا تھا کہ ان کی منگنی ہو گئی ہے۔ اس بات کا اعلان جس وقت ہوا ہے اس نے قیاس آرائیوں کو جنم دیا ہے کہ اداکارہ سنینا نے خالد عامری سے منگنی کر لی ہے۔
خالد العامری نے سنینا سے منگنی کی؟
سنینا نے ایک لاک (قفل والے) ایموجی کے ساتھ دو ہاتھوں کی تصویر شیئر کی تھی۔ ایک ہاتھ کسی مرد کا تھا جبکہ دوسرا خود سنینا کا جو ایک دوسرے کا ہاتھ تھامے ہوئے تھے۔ اسس سے یہ ظاہر ہوتا ہے کہ ان کی منگنی ہو گئی ہے۔ تاہم سنینا نے اپنے منگیتر کی شناخت ظاہر نہیں کی تھی۔
دلچسپ بات یہ ہے کہ خالد العامری نے سنینا کی اس پوسٹ کو پسند کیا تھا۔
26 جون کو خالد نے ہاتھ پکڑے ہوئے جوڑے کی ایسی ہی ایک تصویر پوسٹ کی، اس بار عورت کی انگلی میں ہیرے کی انگوٹھی تھی۔ اس سے اس بات کی تصدیق ہوئی کہ دونوں واقعی شادی کرنے کا ارادہ کر رہے ہیں۔
خالد کی بیوی نے طلاق کی تصدیق کر دی
یکم جولائی کو خالد کی اہلیہ سلامہ محمد نے نورالدین الیوسف کے یوٹیوب چینل کے تازہ ترین شو میں انکشاف کیا اور کہا کہ ان کی جلد طلاق ہو جائے گی۔ انہوں نے بتایا کہ ان کی طلاق اس سال 14 فروری کو طے پائی تھی۔
بتادیں کہ خالد العامری جس حسینہ پر فدا ہوا ہے اس کا تعلق حیدرآباد سے ہے تاہم وہ تامل سنیما میں کام کرتی ہے۔ سنینا نے اپنی پہلی فلم میں اداکار نکول کے ساتھ کام کیا تھا جو 2008 میں ریلیز ہوئی تھی۔
