تمل ناڈو میں زلزلہ، کوئی نقصان نہیں

چنئی: تمل ناڈو کے جنوبی ضلع ویرودھونگر میں گزشتہ شب زلزلے کا ہلکا محسوس کیا گیا۔

محکمۂ موسمیات کے مطابق زلزلے کی شدت 3.0 ریکارڈ کی گئی۔ یہ زلزلہ ہندستانی وقت کے مطابق رات 9 بج کر 6 منٹ اور 57 سیکنڈ پر آیا، جس کا مرکز ویرودھونگر علاقہ تھا۔

اس کی گہرائی زمین کے اندر تقریباً 10 کلو میٹر بتائی گئی ہے، جبکہ اس کا مرکز عرضِ البلد 9.44 درجۂ شمالی اور طولِ البلد 77.71 مشرق میں تھا۔

زلزلے کے جھٹکے محسوس ہونے پر بعض افراد گھبراہٹ میں اپنے گھروں سے باہر کھلے مقامات کی طرف نکل آئے، تاہم کسی جانی یا مالی نقصان کی کوئی اطلاع نہیں ملی ہے۔