سعودی عرب میں شوال کا چاند نظر نہیں آیا، عیدالفطر جمعہ کو ہوگی
سپریم کورٹ کی جانب سے یہ بھی کہا گیا تھا کہ جو افراد چاند دیکھنے کی صلاحیت رکھتے ہیں، وہ اس اہم مذہبی فریضے میں بھرپور حصہ لیں اور مقامی رویت ہلال کمیٹیوں کے ساتھ تعاون کریں۔
ریاض: سعودی عرب کی رویتِ ہلال کمیٹی نے اعلان کیا ہے کہ شوال کا چاند نظر نہیں آیا، جس کے بعد ملک بھر میں عیدالفطر جمعہ 20 مارچ 2026 کو منائی جائے گی۔
عرب میڈیا رپورٹس کے مطابق، چاند نظر نہ آنے کے باعث رمضان المبارک کے تیس روز مکمل کیے جائیں گے۔ اس سے قبل سعودی سپریم کورٹ نے شہریوں سے اپیل کی تھی کہ وہ شوال کا چاند دیکھنے کی کوشش کریں اور اگر کہیں نظر آئے تو اپنی شہادت قریبی عدالت میں درج کروائیں۔
سپریم کورٹ کی جانب سے یہ بھی کہا گیا تھا کہ جو افراد چاند دیکھنے کی صلاحیت رکھتے ہیں، وہ اس اہم مذہبی فریضے میں بھرپور حصہ لیں اور مقامی رویت ہلال کمیٹیوں کے ساتھ تعاون کریں۔
دوسری جانب متحدہ عرب امارات نے بھی عیدالفطر کی تعطیلات کا اعلان کر دیا ہے۔ سرکاری اداروں کے ملازمین کے لیے چھٹیاں 19 مارچ سے 22 مارچ تک ہوں گی، جبکہ نجی شعبے کے ملازمین کو 19 مارچ سے 21 مارچ تک چھٹیاں دی جائیں گی۔
حکام کے مطابق اگر رمضان 30 دنوں کا مکمل ہوتا ہے تو نجی شعبے کی تعطیلات میں ایک دن کا اضافہ بھی کیا جا سکتا ہے۔
عیدالفطر مسلمانوں کے لیے خوشیوں، شکرگزاری اور بھائی چارے کا تہوار ہے، جو رمضان المبارک کی عبادات کے اختتام پر منایا جاتا ہے۔
