ٹاملناڈو کے تعلیمی اداروں کو بذریعہ ای میل بم کی دھمکی (ویڈیو)

تروچیراپلی(یو این آئی) ٹاملناڈو کے تروچیراپلی ضلع میں دو نجی خود مختار کالجوں اور8 اسکولوں کو جمعرات کو ای میل کے ذریعے بم کی دھمکیاں موصول ہوئیں۔

پولیس نے بتایا کہ 180سال پرانا سینٹ جوزف کالج (خود مختار)‘ ہولی کراس کالج (خود مختار) کے علاوہ کیمپین اینگلو انڈین ہائر سیکنڈری اسکول‘ سمدھا ہائر سیکنڈری اسکول‘ مونٹفورٹ اسکول‘ آچاریہ شکشا مندر اسکول‘ راجم کرشنامورتی پبلک اسکول اور شہر اور ضلع کے 8 اسکولوں بشمول امرتا ودیالیم اسکول کو آج صبح ایک ای میل موصول ہوئی جس میں دھمکی دی گئی کہ اداروں میں کسی بھی وقت بم دھماکہ ہوسکتا ہے۔

اطلاع ملنے پر سینئر پولیس افسران نے ٹاملناڈو بم ڈیٹیکشن اینڈ ڈسپوزل اسکواڈ (بی ڈی ڈی ایس) اور ٹاملناڈو فائر اینڈ ریسکیو سروسز ڈپارٹمنٹ کے اہلکاروں کے ساتھ الگ الگ ٹیمیں تشکیل دیں اور اداروں کے احاطے کی مکمل تلاشی لی۔ تلاشی کتوں کو بھی خدمت حاصل کی گئیں ہیں۔فی الحال کوئی دھماکہ خیز مواد نہیں ملا ہے تاہم تلاش جاری ہے۔

ابتدائی تفتیش کے بعد پولیس کو شبہ ہے کہ بم کی دھمکی افواہ ہے۔اگرچہ ای میل بھیجنے والے کا نام سویتا بالاکرشنن ظاہر کیا گیا ہے تاہم سائبر کرائم ونگ پولیس کی جانب سے تفصیلی تفتیش کی جارہی ہے تاکہ یہ معلوم کیا جاسکے کہ اصل بھیجنے والا کون ہے اور یہ بھی معلوم کرنے کے لیے کہ ای میل کن تعلیمی اداروں کو بھیجی گئی تھی۔

انٹرنیٹ پروٹوکول ایڈریس سے بھیجا گیا۔گزشتہ چند ہفتوں میں ٹاملناڈو کے کئی اسکولوں کو بم کا یہ تیسرا خطرہ ہے۔ اس سے قبل 29 اگست کو ایروڈ میں مقیم انڈین پبلک اسکول اور سیلم، تروچیراپلی اور ترونیل ویلی میں واقع اس کے کیمپس کو بم کی جعلی دھمکیوں کے ای میل موصول ہوئے تھے، جب کہ مدورائی کے چار سی بی ایس ای اسکولوں کو 30 ستمبر کو اسی طرح کی دھمکیاں موصول ہوئی تھیں۔