کرکٹ کھیلنے کے دوران انجینئرنگ کے طالبعلم کواچانک دل کا دورہ، موقع پر ہی موت (ویڈیووائرل)

حیدرآباد: کھمم ضلع سے تعلق رکھنے والا بی ٹیک کا آخری سال کا طالبعلم وِنے کمار (21) جمعہ کے روز سی ایم آر انجینئرنگ کالج، میڑچل میں کرکٹ کھیلتے ہوئے دل کا دورہ پڑنے سے جاں بحق ہوگیا۔ افسوسناک واقعہ کالج کیمپس میں منعقدہ کرکٹ ٹورنامنٹ کے دوران پیش آیا، جس کی ویڈیو سی سی ٹی وی کیمروں میں بھی قید ہوئی ہے۔

عینی شاہدین کے مطابق، ونے فیلڈنگ کر رہا تھا جب اچانک میچ کے دوران گر پڑا۔ کالج کے عملے اور طلبہ نے فوری طور پر اسے نزدیکی اسپتال منتقل کیا، جہاں ڈاکٹروں نے اسے مردہ قرار دیا۔

ڈاکٹروں کے مطابق، ابتدائی طور پر شبہ ہے کہ ونے کی موت حرکت قلب بند ہونے (ہارٹ اٹیک) کی وجہ سے ہوئی ہے۔ اہل خانہ نے کسی قسم کے شبہ یا شکایت کا اظہار نہیں کیا۔ پولیس نے واقعے کی تفتیش شروع کر دی ہے۔