تلنگانہ میں ملک کے سب سے بڑے ٹیکسٹائل پارک کا قیام

حیدرآباد: تلنگانہ کے ضلع ورنگل میں کاکتیہ ٹیکسٹائل پارک قائم کیاجارہا ہے۔

کاکتیہ میگا ٹیکسٹائل پارک ملک کا سب سے بڑا ٹیکسٹائل پارک ہوگا۔

ریاست کے وزیر انفارمیشن ٹکنالوجی کے تارک راما راو نے اس بات کاانکشاف کیا۔

سوشیل میڈیا کے اہم پلیٹ فارم ٹوئیٹر پر سرگرم تارک راما راو نے اس خصوص میں زیرتعمیر پارک کی تصاویر کو پوسٹ کرتے ہوئے اپنے ٹوئیٹ میں کہاکہ یہ ٹیکسٹائل پارک تقریباً 1350 ایکڑ رقبے پر تعمیر کیا جا رہا ہے۔

انہوں نے کہاکہ وزیراعلی آئندہ چند ماہ میں کائیٹکس کے یونٹس کاافتتاح کریں گے۔