حیدرآبادکے شمس آباد ایرپورٹ پربم کی جھوٹی اطلاع سے سنسنی

حیدرآباد: شہرحیدرآبادکے شمس آباد ایرپورٹ پربم کی جھوٹی اطلاع سے سنسنی پھیل گئی۔سائبرآبادپولیس کنٹرول روم کو ایک نامعلوم فون موصول ہواجس میں کہاگیا کہ ایرپورٹ پر بم رکھاگیا ہے۔

اس فون کال کے بعد سیکوریٹی عملہ چوکس ہوگیاجس نے بڑے پیمانہ پر تلاشی لی تاہم یہ اطلاع جھوٹی ثابت ہوئی۔

عہدیداروں نے فون کرنے والا کا پتہ چلاتے ہوئے کہاکہ یہ فون کال تلنگانہ کے ضلع کاماریڈی سے کی گئی تھی۔

عہدیداروں نے کہاکہ ملزم کی دماغی حالت ٹھیک نہیں ہے۔اس کال کے جھوٹی ہونے کی اطلاع کے بعد ایرپورٹ میں ملازمت کرنے والوں نے راحت کی سانس لی۔