کسانوں نے کرکٹ کھیل کر سب کو حیرت زدہ کردیا

حیدرآباد: عام طورپر ہل چلانے اور زرعی سرگرمیاں انجام دینے والے کسانوں نے، کرکٹ کھیلتے ہوئے تمام کو حیرت زدہ کردیا۔

تلنگانہ کے ضلع نرمل کے انم پیٹ میں کسانوں کے کرکٹ کا اہتمام کیاگیا تھا۔

اننت پیٹ، نیلی پیٹ، میڈی پلی اور ایلاریڈی پیٹ مواضعات کے کسانوں نے اس کرکٹ مقابلہ میں جوش وخروش کے ساتھ حصہ لیا۔ ان کسانوں کی ٹیمیں بنائی گئی تھیں۔

مقامی منڈل پرجاپریشد رکن رامیشور ریڈی نے ان مقابلوں کا اہتمام کیاتھا۔ کسانوں کو فیلڈنگ، گیندبازی، بلے بازی کرتے ہوئے دیکھنے والوں نے حیرت کا اظہار کیا۔

ان کسانوں کے کرکٹ ٹورنمنٹ کو دیکھنے کے لئے بڑی تعداد میں لوگ پہنچے جو ان کے کرکٹ سے کافی لطف اندوز بھی ہوئے۔