اروند پنگڑیا، 16ویں فینانس کمیشن کے سربراہ مقرر

نئی دہلی: حکومت نے چہارشنبہ کے دن 16 ویں فینانس کمیشن میں 4 ارکان کا تقررکیا۔ یہ کمیشن 31دسمبر 2023 کو بناتھا۔

سابق صدرنشین نیتی آیوگ اروندپنگڑیا‘کمیشن کے سربراہ ہوں گے جبکہ 15 ویں فینانس کمیشن کے سابق رکن اور سابق معتمد مصارف اجئے نارائن جھا‘ سابق معتمد خصوصی مصارف اینی جارج میتھیو‘ ایگزیکیٹیو ڈائرکٹرارتھاگلوبل ڈاکٹرنرنجن راج ادھیکش کو مستقل ارکان بنایاگیا۔

گروپ چیف اکنامک اڈوائزر اسٹیٹ بینک آف انڈیا سومیاکانتی گھوش کو جزوقتی رکن 16 واں فینانس کمیشن مقررکیاگیا۔

کمیشن سے کہاگیاکہ وہ ریاستوں کے مابین ٹیکسس کی تقسیم کے سلسلہ میں اپنی سفارشات 31اکتوبر2025ء تک کردے۔