ہند۔ بھوٹان سرحد پر پہلے چیک پوسٹ کا افتتاح

دارنگا (آسام) (پی ٹی آئی) ہند۔ بھوٹان سرحد پر دارنگا آسام میں پہلے انٹیگریٹیڈ چیک پوسٹ (آئی سی پی) کا افتتاح عمل میں آیا۔ سرکاری عہدیداروں نے آج یہاں یہ بات بتائی اور کہا کہ اپنی نوعیت کے پہلے اس چیک پوسٹ کے قیام کا مقصد سرحد پر درکار اقدامات کو موثر اور بہتر بنانا ہے۔

گورنر آسام لکشمن پرساد آچاریہ نے آئی سی پی کا افتتاح کیا۔ اس تقریب میں وزیراعظم بھوٹان ڈی شیرنگ توبگے بھی موجود تھے۔

بتایا جاتا ہے کہ آئی سی پی دارنگا جو کہ 14.5ایکڑس پر بنایا گیا ہے ہند۔ بھوٹان سرحد سے تقریباً 700 میٹرس کے فاصلہ پر ہے۔

یہاں پر تمام عصری سہولتیں فراہم کی گئی ہیں۔ عہدیداروں نے بتایا کہ آفس کامپلکس‘ پارکنگ ایریا کے علاوہ لوڈنگ اور اَن لوڈنگ زونس اور عہدیداروں کے لئے رہائشی کوارٹرس بھی تعمیر کئے گئے ہیں۔