بی آرایس کے سابق رکن اسمبلی جی بالاراجو بی جےپی میں شامل

حیدرآباد: بی آرایس کے سابق رکن اسمبلی جی بالاراجو بھارتیہ جنتا پارٹی میں شامل ہوگئے۔

اتوار کوحیدرآباد کے نامپلی میں پارٹی کے ریاستی دفتر میں صدرتلنگانہ بی جے پی رام چندر راؤ نے بالا راجو کو پارٹی کا کھنڈوا پہنا کر بی جے پی میں شامل کرلیا۔

اس موقع پر انہوں نے کہا کہ بی جے پی کے تئیں عوام میں بڑھتی مقبولیت اور وزیر اعظم نریندر مودی کے عوامی فلاحی پروگراموں سے متاثر ہو کر بالا راجو کی پارٹی میں شمولیت خوش آئند ہے۔

انہوں نے کہا کہ تلنگانہ میں بی جے پی کو مضبوط کرنے کے لیے بالا راجو کی خدمات سے بھرپور استفادہ کیا جائے گا۔ اس پروگرام میں ایم پی لکشمن، ایم ایل سی انجی ریڈی سمیت کئی سینئر قائدین نے شرکت کی۔