سابق چیف منسٹر کے چندر شیکھر راؤ دواخانہ سے ڈسچارج
کے سی آر کو ڈاکٹرس نے8 ہفتوں تک مکمل آرام کرنے کا مشورہ دیا ہے۔ آج کے سی آر کو دواخانہ سے ڈسچارج کرنے سے قبل ان کے افراد خاندان نے نندی نگر میں واقع قیامگاہ میں کے سی آر کے قیام کے لئے انتظامات کئے۔
حیدرآباد: سابق چیف منسٹر کے چندر شیکھر راؤ کو دواخانہ سے ڈسچارج کردیا گیا۔ ڈسچارج کے بعد کے سی آر یشودا ہاسپٹل سوماجی گوڑہ سے سیدھا اپنی قدیم قیامگاہ نندی نگر بنجارہ ہلز روانہ ہوگئے۔
گذشتہ ہفتہ کے سی آر اپنے فارم ہاوز میں گر گئے تھے جس کی وج ہ سے انک ی کولہے کی ہڈی ٹوٹ گئی تھی۔ کے سی آر کو علاج کیلئے یشودا ہاسپٹل میں شریک کرایا گیا تھا۔8 دسمبر کو ان کے ہپ کی ہڈی کی بتدیلی کی سرجری انجام دی گئی تھی جو کامیاب رہی۔
کے سی آر کو ڈاکٹرس نے8 ہفتوں تک مکمل آرام کرنے کا مشورہ دیا ہے۔ آج کے سی آر کو دواخانہ سے ڈسچارج کرنے سے قبل ان کے افراد خاندان نے نندی نگر میں واقع قیامگاہ میں کے سی آر کے قیام کے لئے انتظامات کئے۔
آئندہ دومہینوں کے دوران کے سی آر کو چیک اپ کیلئے مسلسل دواخانے آنا پڑسکتا ہے۔ اس بات کو پیش نظر رکھتے ہوئے کے سی آر نے نندی نگر میں قیام کرنے کا فیصلہ کیا ہے۔
