تلنگانہ کے سابق وزیرہریش راو کے والد چل بسے

حیدرآباد: تلنگانہ کے سابق وزیر و بی آرایس کے رکن اسمبلی ہریش راو کے والد ستیہ نارائنا چل بسے۔ ان کی لاش حیدرآباد کے کوکا پیٹ میں واقع کرنس ولاس میں رکھی گئی ہے۔

اس بات کی اطلاع پر بی آر ایس کے سربراہ و سابق وزیراعلی تلنگانہ کے چندرشیکھرراو،پارٹی کے کارگزارصدر کے ٹی راما راو کے بشمول کئی بی آر ایس قائدین اور سیاسی شخصیات نے گہرے دکھ کا اظہار کیا ہے۔

تلنگانہ کے وزیراعلیٰ ریونت ریڈی نے بھی ہریش راؤ کے والد کی موت پر افسوس کا اظہار کرتے ہوئے ارکان خاندان سے تعزیت کی اور ان کے غم میں شریک ہونے کا پیغام دیا۔