فارمولا ای ریس سے حیدرآباد کے برانڈ امیج میں اضافہ: ناگیندر

حیدرآباد: خیریت آباد کے رکن اسمبلی دانم ناگیندر نے فارمولا ای ریس کے تعلق سے دعویٰ کرتے ہوئے اس بات کا اعتراف کیا کہ اس ریس میں حیدرآباد کے برانڈ امیج میں اضافہ کیلئے مثبت رول ادا کیا۔

میڈیا سے بات چیت کرتے ہوئے دانم ناگیندر نے جو بی آر ایس ٹکٹ پر رکن اسمبلی منتخب ہوئے تھے،بعدازاں کانگریس میں شامل ہوگئے،کہا کہ اس ریس سے حیدرآباد کی شہرت اور اس کی نیک نامی میں اضافہ ہوا ہے جبکہ انہوں نے اس میں امکانی کرپشن کا بھی تذکرہ کیا۔

ناگیندر نے مزید کہا کہ کے ٹی آر نے جو اُس وقت وزیر بلدی نظم نسق وشہری ترقیات تھے، حیدرآباد میں الیکٹرک کار ریس کے اہتمام سے متعلق ان سے مشورہ کیا تھا۔

انہوں نے محض ایونٹ کے بارے میں اُ ن کا تناظر دیا تھااور یہ کہا تھا کہ ای کار ریس کی میزبانی سے حیدرآباد عالمی نقشہ میں شامل ہوا ہے۔مزید براں انہوں نے کہا کہ فارمولا ای ریس کا معاملہ فی الوقت عدالت میں زیر دوراں ہے وہ کے ٹی آر کے بارے میں کوئی منفی تبصرہ کرنے سے گریز کریں گے۔