جھارکھنڈ میں بس حادثے میں 4 افراد ہلاک، 10 سے زائد زخمی

رانچی: جھارکھنڈ کے ہزاری باغ ضلع میں آج صبح ایک بس الٹنے سے چار لوگوں کی موت ہو گئی اور 10 سے زیادہ زخمی ہو گئے۔

پولیس ذرائع نے بتایا کہ یہ بس کولکتہ سے بہار جا رہی تھی کہ برکٹاکے گورہر پولیس اسٹیشن کے قریب جی ٹی روڈ پر حادثے کا شکار ہوگئی۔ بس میں تقریباً 50 افراد سوار تھے۔

ذرائع نے بتایا کہ اس حادثے کے بعد امدادی کام شروع کر دیا گیا ہے۔ زخمیوں کو مقامی اسپتال میں داخل کرایا گیا ہے۔