جی سرینواس حلقہ حیدرآباد سے بی آرایس امیدوار

حیدرآباد: تلنگانہ کی اصل اپوزیشن جماعت بی آرایس نے حلقہ حیدرآباد سے اپنے امیدوار کے نام کا اعلان کردیا ہے۔

پارٹی سربراہ و سابق وزیراعلی کے چندرشیکھرراو جنہوں نے پہلے ہی ریاست کی 17لوک سبھانشستوں کے منجملہ 16پر اپنے امیدواروں کے ناموں کا اعلان کیا تھا، آج حلقہ حیدرآباد سے اپنے امیدوار کے طورپر جی سرینواس کے نام کااعلان کیا ہے۔

انہوں نے پارٹی کے ارکان اسمبلی اور عوامی نمائندوں سے تبادلہ خیال کے بعد سرینواس کے نام کا اعلان کیا۔ پارٹی نے 6بی سی امیدوار بنائے ہیں۔