کراچی بیکری میں گیس سلینڈر پھٹ پڑا، 15 افراد زخمی، 6 کی حالت تشویشناک

حیدرآباد: حیدرآباد کے راجندر نگر میں واقع کراچی بیکری  میں ایک بھیانک حادثہ پیش آیا۔ بیکری کے کچن میں گیس سلنڈر پھٹ پڑا۔ جس کے نتیجہ میں 15 افراد شدید زخمی ہوگئے۔ ان میں سے 6کی حالت تشویشناک بتائی جارہی ہے۔

بیکری انتظامیہ نے زخمیوں کو ہسپتال منتقل کر دیا۔ اطلاع ملنے پر پولیس موقع پر پہنچ گئی۔ دھماکہ کے واقعہ کا مقدمہ درج کر لیا گیا ہے اور تحقیقات جاری ہے۔

چیف منسٹر ریونت ریڈی نے حادثہ پر ردعمل ظاہر کیا۔ میڈیکل اور محکمہ صحت کے پرنسپل سیکرٹری کو 15 کارکنوں کو بہتر طبی علاج فراہم کرنے کی ہدایت دی۔ عہدیداروں نے چیف منسٹر کو مطلع کیا کہ زیادہ تر زخمیوں کا تعلق اتر پردیش سے ہے۔