گیا: جے ڈی یو لیڈر کا گولی مار کر قتل

گیا: بہار کے گیا ضلع کے بیلا گنج تھانہ علاقے میں جنتا دل یونائیٹڈ (جے ڈی یو) کے لیڈر مہیش مشرا کو مجرموں نے گولی مار کر ہلاک کر دیا۔

پولیس ذرائع نے جمعرات کو یہاں بتایا کہ جے ڈی یو لیڈر مہیش مشرا، جو چڑی ہارا بیگھا گاؤں کے رہنے والے تھے، بدھ کی رات کھانا کھا کر گھر واپس آ رہے تھے۔

اس دوران مہیش مشرا پر ان کے گھر کے قریب گھات لگائے بیٹھے تھے مجرموں نے انہیں گولی مار کر ہلاک کر دیا۔

ذرائع کا کہنا ہے کہ قتل کی وجہ معلوم نہیں ہو سکی ہے، لاش کو پوسٹ مارٹم کے لیے بھیج دیا گیا ہے۔ معاملے کی تفتیش کی جا رہی ہے۔