مسلسل جنسی زیادتی کا شکار بیٹی نے سوتیلے باپ کا نازک حصہ کاٹ دیا (ویڈیو وائرل)

ممبئی: یہ واقعہ مہاراشٹر کے ضلع پالگھر میں پیش آیا، جہاں 24 سالہ ایک لڑکی نے اپنے سوتیلے باپ رمیش بھارتی کی شرمناک حرکتوں سے تنگ آکر اس پر حملہ کر دیا۔ اطلاعات کے مطابق، یہ نوجوان لڑکی پچھلے دو سالوں سے اپنے سوتیلے باپ کی مسلسل جنسی زیادتی کا نشانہ بنتی رہی تھی۔

یہ لڑکی اپنے والد کی وفات کے بعد اپنی ماں کے ساتھ رہ رہی تھی۔ اس کی ماں نے دوسری شادی رمیش بھارتی نامی شخص سے کر لی، لیکن شادی کے بعد رمیش کی توجہ بیوی کے بجائے اس کی بیٹی پر مرکوز ہو گئی۔ وہ اکثر اس کے ساتھ نازیبا حرکات کرتا اور اسے جنسی زیادتی کا نشانہ بناتا رہا۔

متاثرہ لڑکی نے اس ظلم کو برداشت کیا لیکن جب زیادتی کی حد پار ہو گئی، تو اس نے ایک منصوبہ بنایا تاکہ اپنے سوتیلے باپ کو ہمیشہ کے لیے سبق سکھا سکے۔

حال ہی میں جب ملزم رمیش بھارتی نے لڑکی کو دوبارہ جنسی تعلقات پر مجبور کرنے کی کوشش کی تو اس نے آنکھوں پر پٹی باندھ کر اس کے ساتھ جنسی تعلق قائم کرنے کا مشورہ دیا۔ سوتیلے باپ نے فوری طور پر اس نئے "طریقہ” سے اتفاق کیا۔ جیسے ہی اس نے اپنی آنکھوں پر پٹی باندھی، لڑکی نے موقع کا فائدہ اٹھاتے ہوئے ایک تیز دھار چاقو سے اس کے شرمگاہ کو کاٹ دیا۔

رمیش بھارتی درد سے تڑپنے لگا اور وہاں سے بھاگنے کی کوشش کی، لیکن غصے میں بھری لڑکی نے سڑک پر جا کر اسے دوبارہ نشانہ بنایا اور اس کے چہرے اور گردن پر بھی وار کیے۔ چیخ و پکار سن کر علاقے کے لوگ وہاں جمع ہو گئے۔

اس دوران کسی نے متاثرہ لڑکی کی ویڈیو بنا لی، جس میں وہ اپنے اوپر ہونے والے ظلم اور سوتیلے باپ کے گھناؤنے حرکتوں کے بارے میں بتا رہی تھی۔ لوگوں نے اسے سمجھانے کی کوشش کی اور چاقو پھینکنے کے لیے کہا۔ کچھ دیر بعد لڑکی نے چاقو چھوڑ دیا، جس کے بعد پولیس نے اسے اپنی تحویل میں لے لیا۔

یہ واقعہ سوشل میڈیا پر تیزی سے وائرل ہو گیا اور لوگوں نے لڑکی کی بہادری کی تعریف کی۔ کئی لوگ اسے انصاف دلانے کا مطالبہ کر رہے ہیں، جبکہ کچھ کا کہنا ہے کہ اسے قانونی طریقے سے انصاف حاصل کرنا چاہیے تھا۔

پولیس اس معاملے میں مزید تحقیقات کر رہی ہے کہ آیا لڑکی نے یہ قدم خود اٹھایا یا کسی نے اسے ایسا کرنے کے لیے اکسانے میں مدد کی۔